Ответ, 119.

Выше рехом ти, на сем стоглавом соборе благочестивый самодержец не утвержением вопроси святых отец, но предложением. Такоже и отцы не реша, яко тако в греческих преводех без истиннаго глаголати обретается. Убо предлагаемое, по логическому разуму, не полагается в сказуемое, сиречь в законоутверженное. Обаче последи всюду и везде православными патриархи печатати повелеся символ веры с сим прилагательным именем, истиннаго. И не точию сие утверждают древлевеликороссийския печати: но в самых старописменных добрых преводов, якоже Максима Грека и прочих, книги тако указуют, такоже и инде восточней церкви согласующих местах, в Киеве древле, во Острозе, в Вильне, во общежительствах Малыя России, в сербех Ответ, 119., и напоследок в Никонове строении Иверском монастыре, тако печаташеся с сим прилагательным именем, истиннаго. Таже от тогоже Никона патриарха, и от последующих ему, сие прилагательное имя, на славу и честь от святых отец Святому Духу положенное, из символа веры, яко безчестное, отложено суть з запрещением и клятвою: то како не явится быти сия ересь; аще и стоглавнаго собора отцы не возмогоша еще оною нарещи. А понеже все описи и неисправности в преводех не доидоша исправити: аще бы доидоша, всяко бы благоревностно исправиша. Обаче ревность многу имуще к благоисправлению. Аще и не делом (за незнание языка греческаго, и других высоких наук), но Ответ, 119. произволением всяко к тому склонни быша, якоже от иозображения книги Стоглава видети есть. Но все ли исправиша во святей церкви и святии апостоли; но иное и видеша ко исправлению склонное, но за некое препятьствие оставиша последующим на славу и полезность церкве исправити. Якоже и епископи нецыи жен имеяша, даже и до шестаго вселеньскаго собора, и сие бо бяше апостольское попущение. Но разсмотрися святыми отцами, яко сие не есть церкви на пользу, того ради всячески епископу жену имети запретиша. Дерзнет ли по апостольскому попущению ныне кто из епископов жену имети; не явне ли той еретик обрящется. Суть бо суть Ответ, 119. и иныя многия вещи и действа, тому точию ключимыя быша времени: ныне же дерзающия тыя содержати, сущия еретики обрящутся. Того ради и богоносными мужи и учители церковными предохранительно поучаемся, яко всякой вещи время имети да познаваем. О чесом и преподобный Никон Черногорский глаголет: "Аще (рече) не разсуждаем время и вину, и различие вещи, но яко по смотрению глаголанная или бывшая, обьятно на всяко время приемлем, главою снити имамы, и горняя долу будем". Книга заповедей, слово 2-е.

Тако убо леть есть, и о сем прилагательном имени, истиннаго, аще где и не писашеся или не глаголашеся древле: обаче древлеправославными же достовернее усмотрися и Ответ, 119. напечатася, еже всячески глаголати в символе с сим прилагательным именем, истиннаго. Сопротивствуй же кто обрящется сему положению, явейше той обрящется еретичествуяй. Якоже Евлогий папа Александрийский глаголет [Кормчая, глава 71, лист 641]: "Аще кто (рече) от угодных богоносным отцем поколебает что, не ктому се смотрение нарицаем, но преступление предания велению, и к Богу нечестие". Никон Черногорский о священных правилех, в слове 63.



И паки в том же слове глаголет: "Яко еретик есть, и еретическим подлежит законом, аще и мало что уклоняяися от православныя веры". Кормчая, глава 71, лист 641 на обор.

К сим же извествуется, яко символ веры от евангельских речей есть Ответ, 119. сложен. Во евангелии же, от самого Христа Спасителя зело явственне Дух Святый истинным нарицается, яко от Иоанна в зач. 52 извествуется: убо и в символе тако писати зело благочестно и благоприлично показуется. Якоже о сем и в Велицем Катихисисе согласно по вопросу ответствует: "Вопрос. Яви ми о сем свидетельство от святых писаний, еже Дух Святый Бог есть; и проч. Ответ. Являю яко и в самом сложении, рекше исповедании, како глаголет: "и в Духа святаго Господа истиннаго и животворящаго". проч.". Глава 30.

Темже показуется от сих предложенных доводов, аще кто обрящется ныне, изметаяй положенное на честь Святому Духу от святых патриархов и святых Ответ, 119. отец, паче же на самем вселеньском 2-м соборе, прилагательное имя в символе веры, истиннаго: всячески ересь содержаяй, и еретик обрящется, и явнейший противник символу Никее Константиноградскому, паче же самого Христа Спасителя словесем, явится.


documentapfvdnt.html
documentapfvkyb.html
documentapfvsij.html
documentapfvzsr.html
documentapfwhcz.html
Документ Ответ, 119.